Ադրբեջանական SOCAR-ը՝ թուրքական Galatasaray-ի հովանավոր
Թուրքական «Galatasaray» ֆուտբոլային ակումբի և ադրբեջանական «SOCAR» նավթային ընկերության միջև հովանավորության պայմանագիր է կնքվել: Այս մասին տեղեկացնում է ermenihaber.am-ը։
Եթե թուրքական ակումբն այս տարի հաղթահարի Չեմպիոնների լիգայի որակավորման փուլը, և դուրս գա մրցաշար, ապա թուրքական ակումբի շապիկներին պատկերված է լինելու ադրբեջանական նավթային ընկերության լոգոն:
Պայմանագրի ստորագրման արարողությունն իրականացվել է Թուրքիայի «Ali Sami Yen» մարզադաշտում:
Արարողությանը մասնակցել են «Galatasaray»-ի նախագահ Դուրսուն Այդըն Օզբեքը և Թուրքիայում «SOCAR»-ի գործադիր տնօրեն Էլչին Իբադովը:
Թուրքական մամուլում պայմանագրի ստորագրումը որակվել է որպես «Galatasaray-ը պայմանագիր է կնքել ադրբեջանական հսկայի (նկատի է առնվել ընկերության հեղինակությունը) հետ»:
