Ջանջուղազյանի ղեկավարած կառույցը բյուջեի վրա թանկ է նստում. բիզնես կենտրոնում վարձը դարձել է 39 միլիոն դրամ
Կառավարության պահուստային ֆոնդից 5 միլիոն 800 հազար դրամ է հատկացվել Ատոմ Ջանջուղազյանի ղեկավարած Հաշվեքննիչ պալատին. Այս գումարն ուղղվելու է պալատի աշխատանքի կազմակերպման համար վարձակալված տարածքների՝ բարձրացված վարձավճարների մարմանը։
Հաշվեքննիչ պալատը թանկարժեք՝ «Վարդանանց բիզնես» կենտրոնում վարձակալել է տարածքներ երեք տարբեր անձանցից՝ ընդհանուր 562.6 քմ, տարեկան վարձավճարի չափը՝ 33 միլիոն դրամ։
2023 թվականին, սակայն, վարձատուները դիմել են Պալատ՝ 2023թ. հուլիսի 1-ից վարձակալության գումարների ավելացման պահանջով, ինչի համար Կառավարության պահուստային ֆոնդից հերթական հատկացումն է արվել և այսուհետ տարեկան 33 միլիոնի փոխարեն՝ բյուջեից կվճարվի 39 միլիոն դրամ, որ Հաշվեքննիչ պալատի աշխատակազմը կարողանա աշխատել «Վարդանանց բիզնես» կենտրոնում։
