Սերգեյ Ղազարյանն ու Ռընե Ռուքեն քննարկել են Արցախի շուրջ ստեղծված իրավիճակի հաղթահարման հնարավորությունները

Արցախի Հանրապետության արտաքին գործերի նախարար Սերգեյ Ղազարյանը հունիսի 26-ին ընդունել է աշխատանքային այցով Երևանում գտնվող Եվրոպայի Խորհրդի Խորհրդարանական Վեհաժողովի նախկին պատգամավոր, Ֆրանսիա-Արցախ բարեկամության շրջանակի անդամ Ռընե Ռուքեին։

Ինչպես տեղեկանում ենք Արցախի ԱԳՆ-ի տարածած հաղորդագրությունից, Սերգեյ Ղազարյանը շնորհակալություն է հայտնել հյուրին՝ Արցախի հանդեպ մշտական ուշադրության ու Ֆրանսիա-Արցախ բարեկամական կապերի շարունակական ամրապնդման գործում ունեցած մեծ ավանդի համար։

Կողմերը քննարկել են Արցախի շուրջ ստեղծված իրավիճակի հաղթահարման հնարավորությունները և հումանիտար բնույթի մի շարք հարցեր։