Աֆրիկյան երկրների ղեկավարները ժամանել են Կիև` հակամարտության կարգավորման ուղիներ առաջարկելու
Աֆրիկյան երկրների, մասնավորապես՝ Հարավաֆրիկյան Հանրապետության (ՀԱՀ), Սենեգալի, Զամբիայի և Կոմորյան Կղզիների նախագահները աֆրիկյան երկրների խաղաղապահ առաքելության կազմում այսօր առավոտյան ժամանել են Կիև՝ ռուս-ուկրաինական հակամարտության կարգավորման ուղիների որոնման նպատակով: Այս մասին հաղորդում է France 24 պարբերականը:
Նախագահները Լեհաստանից Կիև են ժամանել գնացքով:
Այսօր ավելի ուշ պատվիրակությունը բանակցություններ կվարի Ուկրաինայի նախագահ Վլադիմիր Զելենսկիի հետ։ Իսկ հունիսի 17-ին աֆրիկյան պատվիրակությունը Սանկտ Պետերբուրգում կհանդիպի ՌԴ նախագահ Վլադիմիր Պուտինի հետ:
Ըստ վերլուծաբանների՝ աֆրիկյան երկրների պատվիրակությունը շատ քիչ շանսեր ունի կողմերի միջև խաղաղության հասնելու, քանի որ թե՛ Մոսկվան, թե՛ Կիևը հավատացած են, որ կարող են հաղթել ռազմադաշտում:
