Հունաստանի առափնյա պահպանության ծառայությունն ավելի քան 80 միգրանտների է փրկել շրջված նավից
Հունաստանի առափնյա պահպանության ծառայությունը փրկել է ավելի քան 80 միգրանտների ձկնորսական նավից, որը ծովում շրջվել է Պելոպոնես թերակղզու Պիլոս քաղաքից ոչ հեռու։ Ինչպես տեղեկանում ենք ТАСС գործակալությունից, այդ մասին հայտնել է Աթենքի մակեդոնական լրատվական գործակալությունը (AMNA):
Ըստ նախնական տեղեկատվության՝ նավը մեկնել է Լիբիայի Տոբրուկ քաղաքից։
Պատահարի մասին Հունաստանի իշխանություններին ծանուցել է Իտալիան։ Ակնկալվում է, որ փրկված մարդկանց կտեղափոխեն Կալամատա։
Միջադեպի վայրում են գտնվում վեց նավեր, առափնյա պահպանության մի նավակ, գործի է դրվել C-130 ինքնաթիռ։
