Երևանի քննչական վարչությունում խառն են. երեկ` քննչականների պետերը, այսօր` Արգիշտի Քյարամյանը
Երեկ ՀՀ քննչական կոմիտեի Երևան քաղաքի քննչական վարչությունում անսովոր եռուզեռ էր. վարչության պետ Ազատ Գևորգյանը նշում էր ծննդյան տարեդարձը։
Քննչական կոմիտեի 168.am-ի փոխանցմամբ` Երևանի քննչականի պետը ծննդյան տարեդարձը նշել է с размахом.
Ողջ օրը Ազատ Գևորգյանն ընդունել է Քննչական կոմիտեի Երևանի բաժինների պետերին. եկել էին շեֆի ծնունդը շնորհավորելու։
Շատ բարձր տրամադրություն են ունեցել. ալկոհոլը առհասարակ սովորություն ունի մարդկանց տրամադրությունը բարձրացնելու, այդ թվում` աշխատավայրում։
Այսօր նույնպես Երևանի քննչական վարչությունում խառն են եղել։
«Արգիշտի Քյարամյանն էր եկել վարչություն։ Ազատ Գևորգյանի հետ վերջինիս կաբինետում գերգաղտնի զրույց են ունեցել ժամը 13:00-15:30-ի սահմաններում։ Վարչությունում օդը կանգնել էր։ Անգամ պետի քարտուղարին էին ասել, որ լքի տարածքը»,-ասաց մեր աղբյուրը։
Թե ինչու էր Քննչական կոմիտեի նախագահը անձամբ գնացել Երևանի քննչական վարչություն, այլ ոչ թե Ազատ Գևորգյանին էր կանչել իր մոտ, կփորձենք ներկայացնել առաջիկայում։
