Ալիևի ներկայացուցիչը` օկուպացված տարածքների բնակեցման մասին
Ադրբեջանի նախագահի հատուկ ներկայացուցիչ Էմին Հուսեյնովը նշել է օկուպացված Ֆիզուլի և Աղդամ շրջաններում ադրբեջանցիների վերաբնակեցման ժամկետները․ հայտնում է ԱՊԱ-ն։
Պաշտոնյան նշել է, որ նախապատվությունը տրվում է սոցիալական ծանր պայմաններում, վթարային շենքերում ապրող, ինչպես նաև աշխատունակ անձանց ընտանիքներին։
Նա հիշեցրել է, որ համապետական ծրագրի շրջանակում Թալիշ գյուղում վերաբնակեցվել է 20 ընտանիք, իսկ Ֆիզուլիում կառուցվում է վեց թաղամաս։
«38 շենքերում շինաշխատանքներն իրականացվում են արագացված տեմպերով։ Մինչեւ տարեվերջ նախատեսվում է այս բնակելի թաղամաս տեղափոխել 800 ընտանիք։ Գործընթացը նախատեսվում է իրականացնել երկու փուլով. առաջին փուլում, որը կիրականացվի մինչև սեպտեմբեր, նախատեսվում է 260 ընտանիքի բնակություն»,- հավել է Հուսեյնովը։
