Սուրեն Պապիկյանն անակնկալ ստուգայց է կատարել ՊՆ զորամասեր
ՀՀ պաշտպանության նախարար Սուրեն Պապիկյանը մայիսի 4-ի վաղ առավոտյան անակնկալ ստուգայցով եղել է ՊՆ զորամասերում։
Ինչպես տեղեկանում ենք Պաշտպանության նախարարության տարածած հաղորդագրությունից, պաշտպանական գերատեսչության ղեկավարը հրամանատարական կազմերի ուղեկցությամբ շրջել է զորամասերի տարածքում, հետևել օրվա կարգացուցակով սահմանված միջոցառումների իրականացման ընթացքին, զորանոցային պայմաններին և տվել համապատասխան հանձնարարականներ։
Ստուգայցի շրջանակում նախարարը հանդիպել է նաև մարտական հերթապահության պատրաստվող ժամկետային զինծառայողների հետ:
Պաշտպանության նախարարը զորամասերի տարածքում նոր կառուցվող շենք-շինություններում շրջելով՝ հետևել է շինարարական աշխատանքների ընթացքին:
Սուրեն Պապիկյանն այցելել է նաև առաջնագիծ, հետևել ինժեներական, դիրքերի կահավորման աշխատանքների ընթացքին
