Նախարարությունն աշխատանքներ է իրականացնում ՊՆ նախկին վարչական համալիրի բնակիչների ժամանակավոր կեցության ապահովման ուղղությամբ
ՀՀ աշխատանքի և սոցիալական հարցերի նախարարությունն անդրադարձել է Երևան-Աշտարակ մայրուղու վրա գտնվող Պաշխտպանության նախարարության նախկին վարչական համալիրի բնակիչներին տեղափոխելու մտահոգություններին:
Գերատեսչությունից նշել են, որ ՀՀ աշխատանքի և սոցիալական հարցերի նախարարությունն իր լիազորությունների շրջանակում անհրաժեշտ աշխատանքներ է իրականացնում վերոնշյալ շենքում բնակվող քաղաքացիների ժամանակավոր կեցության ապահովման ուղղությամբ։
«Նախարարությունն այս պահին քննարկում է նաև իրականացնել վարձավճարի փոխհատուցման ծրագիր՝ չափորոշիչներին համապատասխանող քաղաքացիների կեցության ապահովման նպատակով:Նախարարության կողմից մինչ այժմ արդեն իսկ մեկնարկել էր տվյալ շենքի բնակիչների կարիքների նախնական գնահատում, սակայն ամփոփ պատկեր ստանալու համար անհրաժեշտ է վերջիններիս կողմից համագործակցություն ևս»,-ասված է հաղորդագրությունում:
Այսպիսով, նախարարությունից հորդորում են ՊՆ նախկին վարչական համալիրի բնակիչներին դիմել Միասնական սոցիալական ծառայության տեղում աշխատող սոցիալական աշխատողներին կամ ՄՍԾ ցանկացած տարածքային կենտրոն։
