«Հայկո Հակոբյան մշակութային հիմնադրամ»-ը հրապարակել է Հայկոյի «Կյանքով» ստեղծագործությունը
«Հայկո Հակոբյան մշակութային հիմնադրամ»-ը, որն ստեղծվել է երգահան, կոմպոզիտոր Հայկոյի մահից հետո, երաժշտի երկրպագուներին է ներկայացրել նրա «Կյանքով» երգը:
Երգը, որի երաժշտութան հեղինակը Հայկոն է, իսկ խոսքերը գրել է Րաֆֆի Ալթունյանը, արդեն համացանցում է:
«Հայկո Հակոբյան մշակութային հիմնադրամ»-ը միտված է Հայկոյի ստեղծագործական ժառանգության պահպանմանն ու հանրայնացմանը: Հիմնադրամը Հայկոյի ստեղծագործական ժառանգության իրավահաջորդն է, որը հետևելու է Հայկոյի ստեղծագործությունների հեղինակային իրավունքների պաշտպանությանն ամբողջ աշխարհում։
Սիրված երգիչը կյանքից հեռացել է 2021 թվականի սեպտեմբերին: Նրա վախճանի պատճառը կորոնավիրուսային հիվանդությունն է եղել:
