ՀԱՊԿ-ից քաղաքական գնահատականները բավարար չեն եղել, ուստի փաստաթուղթը չի ստորագրվել. Ալեն Սիմոնյան
ԱԺ նախագահ Ալեն Սիմոնյանի խոսքով՝ ՀԱՊԿ-ը ռազմաքաղաքական դաշինք է, և ռազմական օգնության ակնկալիքից բացի՝ կարող են լինել նաև քաղաքական սպասումներ, գնահատականներ։
«Այդ քաղաքական գնահատականը, քաղաքական տեքստը նույնպես բավարար չի եղել, դրա համար էլ որոշում է կայացվել փաստաթուղթը չստորագրել։
Այսօր երրորդ երկրի զորքերը գտնվում են ՀԱՊԿ տարածքում, և ես չգիտեմ՝ ՀԱՊԿ երկրները դրա հետ ինչպես են մերվում կամ դա ինչպես են բացատրում կամ ինչպես են դրա շարունակությունը տեսնում»,- նշեց Ալեն Սիմոնյանը։
Ճշտող հարցին՝ այսինքն՝ ՀԱՊԿ-ից սպասելիքները չե՞ն արդարացել, Ալեն Սիմոնյանը պատասխանեց, որ եթե արդարանային, ապա փաստաթուղթը կստորագրվեր։
Մանրամասները՝ 168.am-ի տեսանյութում
