ՀԱՊԿ-ում մեզ չի հաջողվել ընդհանուր հայտարարի գալ 2 շատ կարևոր փաստաթղթերի վերաբերյալ. Փաշինյան
«Ռուսաստանի նախագահի հետ երեկ կայացած բանակցություններից մենք տեղեկություններ ստացանք, որ կարող ենք վերադառնալ Մեղրի-Հորադիզ-Սարդարակ-Երասխ-Օրդուբադ երկաթուղու վերագործարկման աշխատանքներին»։
Կառավարության հուլիսի 24-ի նիստում հայտարարեց Նիկոլ Փաշինյանը՝ մանրամասներ հայտնելով նաև երեկ Հայաստանում կայացած ՀԱՊԿ գագաթնաժողովից։
«Ցավոք, մեզ չի հաջողվել ընդհանուր հայտարարի գալ երկու շատ կարևոր փաստաթղթերի վերաբերյալ։
Իմ կարծիքով՝ տեղի է ունեցել շատ բաց, անկեղծ ու դրական քննարկում. այդ երկու փաստաթղթերն ուղարկվել են լրամշակման։ Ես հույս ունեմ, որ կարող ենք գալ ընդհանուր հայտարարի։ Չնայած նրան, որ մենք հռչակագիրը չստորագրեցինք, և սեպտեմբերի 13-ի էսկալացիայի վերաբերյալ ՀԱՊԿ որոշումը չընդունվեց մեր չստորագրելու պատճառով, բայց քննարկումը դրական եմ համարում. դրական եմ համարում նաև Ռուսաստանի հետ երկկողմ պայմանավորվածությունները և հույս ունեմ, որ դրանք արագ կիրագործենք»,- ասաց Նիկոլ Փաշինյանը։
Մանրամասները՝ տեսանյութում
