Կամչատկայում ժայթքել է Կլյուչևսկոյ հրաբուխը
Եվրասիայի ամենաբարձր հրաբուխը՝ Կլյուչևսկոյը, որը գտնվում է Կամչատկայում, այսօր առավոտյան սկսել է ժայթքել՝ հրաբխային «պայթուցիկներ» արտանետելով: Այս մասին հայտնում են ռուսական ԶԼՄ-ները՝ հղում կատարելով Հրաբխագիտության և սեյսմոլոգիայի ինստիտուտին:
Նոյեմբերի 19-ի լույս 20-ի գիշերը Կամչատկայում երկրաշարժ է եղել՝ 5,7 մագնիտուդով, ցնցումից հետո հրաբխի խառնարանում լուսավորություն է նկատվել: Հրաբխագիտության և սեյսմոլոգիայի ինստիտուտի տնօրեն Ալեքս Օզերովի փոխանցմամբ՝ ժայթքումը սկսվել է հրաբխի գագաթային խառնարանում, արտանետումները լինում են մինչր մեկ ժամում 10 պայթյուն հաճախականությամբ:
