«Հանգիստ, հանգիստ». Սուրեն Պապիկյանի թիկնապահները հրեցին հարց տվող լրագրողին
Այսօր խորհրդարանում լրագրողները փորձեցին մի քանի հարց ուղղել Պաշտպանության նախարար Սուրեն Պապիկյանին։ Նախարարը ՔՊ-ական պատգամավոր Անդրանիկ Քոչարյանի աշխատասենյակից դուրս գալուց հետո, սակայն, որևէ հարցի չպատասխանեց։
«Սա մի հատ բացեք գնանք աշխատենք, հա՞, սա ի՞նչ է, պատնե՞շ է»,- իր աշխատասենյակից դուրս գալով՝ դիմելով աշխատասենյակի մոտ սպասող լրագրողներին՝ ասաց Անդրանիկ Քոչարյանը։
Այնուամենայնիվ, լրագրողները Սուրեն Պապիկյանից հետաքրքրվեցին, որ 50 հայկական դիրքի կորստի մասին են խոսում, ի՞նչ կարող է ասել, ինչից հետո նրա թիկնապահներից մեկը հրեց հարց հնչեցնող լրագրողին։
«Հանգիստ հանգիստ»,- դիմելով թիկնապահներին՝ ասաց Պապիկյանը և ընդգծեց, որ լրագրողի բարձրացրած հարցին ԳՇ պետը պատասխանել է։
Հաջորդ հարցը՝ թե զոհերի ու անհետ կորածների թիվը վերջնական ե՞րբ կհրապարակվի, մնաց անպատասխան։
