Հայտնի է ուղեղի առողջության համար ամենավտանգավոր ալկոհոլային խմիչքը
Գարեջուրը համարվում է ուղեղի համար ամենավտանգավոր ալկոհոլային ըմպելիքը, քանի որ այն 73 տոկոսով մեծացնում է հեմոռագիկ կաթվածի վտանգը, հայտնել են Կանադայի հանրային առողջության հետազոտական ինստիտուտի գիտնականները՝ առողջության վրա ալկոհոլի ազդեցության վերաբերյալ իրենց ուսումնասիրության մեջ, որը, ըստ shantnews–ի՝ հրապարակվել է Neurology ամսագրում:
26000 մարդու սննդային սովորությունների ուսումնասիրության ժամանակ պարզվել է, որ ալկոհոլը միջինը 50 տոկոսով մեծացնում է կաթվածի հավանականությունը։ Սակայն այս ցուցանիշը տատանվում է՝ կախված խմիչքի տեսակից, նշել են փորձագետները:
Գիտնականների կարծիքով՝ ամենավնասակար ըմպելիքը գարեջուրն է։ Այն բարձրացնում է իշեմիկ կաթվածի հավանականությունը 21 տոկոսով, իսկ հեմոռագիկինը՝ 73 տոկոսով։ Միևնույն ժամանակ, նրանք նշել են, որ գինին չի ազդում ուղեղի առողջության վրա։ Բայց դա չի նշանակում, որ այն կարելի է խմել անսահմանափակ քանակությամբ:
