Կազմակերպությունների միջև տեղի կունենա Հայաստանի շախմատի Գրան պրի մրցաշար

Հայաստանի շախմատի ակադեմիայում, հոկտեմբերի 29-ին ժամը 11:00-ին տեղի է ունենալու «Հայաստանի շախմատի Գրան պրի» մրցաշար՝ կազմակերպությունների միջև: Մրցաշարի գլխավոր հովանավորն է ArLeAM ընկերությունը՝ «Դուռ» ապրանքանիշով:

Մրցաշարին կարող են մասնակցել Հայաստանում գործունեություն ծավալող և իրավաբանական անձանց պետական ռեգիստրում գրանցված բոլոր իրավաբանական անձիք։ 2300-ից ավել ազգային կամ միջազգային վարկանիշ ունեցող շախմատիստներին, ինչպես նաև շախմատի մասնագիտացված մարզադպրոցներին չի թույլատրվում մասնակցել մրցաշարին։

Մրցաշարի համար նախատեսված են հետևյալ մրցանակները՝

Հիմնական մրցանակներ՝

1-ին տեղ գրաված թիմ՝ նվեր քարտ

2-րդ տեղ գրաված թիմ՝ նվեր քարտ

3-րդ տեղ գրաված թիմ` նվեր քարտ

Հատուկ մրցանակներ՝

լավագույն արդյունք ցույց տված մասնակից /1-4-րդ խաղատախտակի վրա առնվազն 5 խաղ խաղալու դեպքում/՝ հուշանվերներ,

լավագույն արդյունք ցույց տված կին մասնակից /առնվազն 4 խաղ խաղալու դեպքում/՝ խնամքի պարագաներ,

սփոփիչ մրցանակ /վերջին 7 տեղերը գրաված թիմերի միջև ընտրվելու է վիճակահանությամբ/՝ հուշանվերներ: