Ապօրինի ծառահատում` Լոռու մարզում
Հոկտեմբերի 20-ին, ժամը 19-ի սահմաններում, Լոռու մարզային վարչության և Գուգարքի բաժնի ոստիկանների համատեղ ծառայության ընթացքում, Վահագնի գյուղի վարչական տարածքում ստուգման է ենթարկվել նույն գյուղի մի բնակչի վարած «ՈՒԱԶ» մակնիշի մեքենան, որը բեռնված էր փայտանյութով: Վարորդը համապատասխան փաստաթուղթ չի ներկայացրել: Պարզվել է, որ նա, համագյուղացու հետ, ապօրինի հատել է կանգուն երեք ծառ:
Փայտանյութով մեքենան տեղափոխվել է բաժնի պահպանվող հատուկ տարածք:
Հանգամանքները պարզվում են:
