Ուկրաինային զենք չեն վաճառի
Իսրայելի Պաշտպանության նախարար Բենի Գանցը՝ ԵՄ անդամ պետությունների դեսպանների հետ հանդիպման ժամանակ նշել է, որ Իսրայելը ՆԱՏՕ-ի երկրների հետ աջակցում է Ուկրաինային, սակայն նախկինի նման՝ մտադիր չէ Ուկրաինային զենք վաճառել։
«Իսրայելը զենք չի մատակարարելու Ուկրաինային մի շարք օպերատիվ նկատառումներից ելնելով։ Մենք կշարունակենք աջակցել Կիեւին ինչպես արել ենք նախկինում, հաշվի առնելով այն սահմանափակումները, որոնք սահմանել ենք ինքներս մեր հանդեպ»,- ասել է Գանցը, հավելելով, որ իսրայելական օգնությունը լինելու է հումանիտար բնույթի։
