««Ռեալը» պատրաստ էր Նեյմարի համար վճարել 170 մլն. եվրո»․ «Բարսելոնայի» նախկին սկաուտ
«Բարսելոնայի» նախկին սկաուտը հայտնել է, որ Մադրիդի «Ռեալը» մոտ էր Նեյմարին ձեռք բերելուն:
Բրազիլիայում կատալոնական ակումբի նախկին սկաուտ Անդրե Կյուրին դատարանում ցուցմունք է տվել «Սանթոսից» ֆուտբոլիստի «Բարսելոնա» տեղափոխության գործով կոռուպցիոն գործով։
«Սանթոսի հետ պայմանավորվածություն ձեռք բերեցինք Նեյմարին ձեռք բերելու վերաբերյալ, բայց մի քանի օր անց նրանք հրաժարվեցին, քանի որ Մադրիդը միջամտեց: Մեզ խնդրեցին ևս հինգ միլիոն, և Ռոսելն ասաց, որ չի վճարի:
Նեյմարը պատրաստվում էր բուժզննում անցնել Մադրիդի «Ռեալում», բայց գործարքն ի վերջո ձախողվեց: Մադրիդցիները պատրաստ էին ֆուտբոլիստի համար վճարել 170 մլն»,- ասել է Կյուրին։