Երևանում կկայանա արհեստական բանականության, ռոբոտաշինության, ավիատիեզերական արդյունաբերության և այլ թեմաներով գիտաժողով
![](https://168.am/wp-content/uploads/2022/09/գգգ.jpg)
Երևանում արհեստական բանականության, ռոբոտաշինության և կառավարման, ավիատիեզերական արդյունաբերության և հաշվողական կենսաբանության թեմաներով տեղի կունենա «Գիտության և տեխնոլոգիաների միավորում» ամենամյա STCC գիտաժողովը:
Գիտաժողովը կկայանա սեպտեմբերի 28-29-ին:
Գիտաժողովում 25+ պանելային քննարկումները ուղղված կլինեն Արևմուտքի և Արևելքի խաչմերուկում Հայաստանի զարգացման հեռանկարներին, Հայաստանի թվային փոխակերպման օրակարգին և տեխնոլոգիական արդյունաբերության համար դրա հնարավորություններին, Հայաստանի հետազոտական համալսարանների հեռանկարներին, ինժեներինգի և ինքնավարության ուսումնասիրության ապագային Հայաստանում, զարգացող բիոտեխնոլոգիական հատվածին և դրա զարգացման հիմնական կատալիզատորների վերանայմանը, սփյուռքի ռեսուրսներին և վերջիններիս ներգրավման համար պարարտ հողի անհրաժեշտությանը և այլն:
STCC տարեկան գիտաժողով է, որը կազմակերպում են Հայաստանի Գիտությունների ազգային ակադեմիայի Ինֆորմատիկայի և ավտոմատացման պրոբլեմների ինստիտուտը և SmartGateVC վենչուրային ֆոնդի նախաձեռնությունը հանդիսացող «Քաթըլիսթ» հիմնադրամը ԵՄ-ն բիզնեսի համար նախաձեռնության «Նորարարական տուրիզմի և տեխնոլոգիաների զարգացում Հայաստանի համար» ծրագրի աջակցությամբ՝ Գիտության և տեխնոլոգիաների կոնվերգենցիայի պլատֆորմի (STCP) շրջանակներում: