ՀՀ-ում ՌԴ ԱԴԾ վարչության պետը ՀԱՊԿ միացյալ շտաբի պետին է ցույց տվել Ադրբեջանի կողմից ռուսական սահմանապահ հենակետը գնդակոծելու կադրերը
Հայաստանում Ռուսաստանի Անվտանգության դաշնային ծառայություն սահմանապահ վարչության պետ, գեներալ-լեյտենանտ Ռոման Գոլուբիցկին ՀԱՊԿ միացյալ շտաբի ղեկավար Անատոլի Սիդորովին ցույց է տվել Հայաստանի արևելքում տեղակայված ռուսական սահմանապահ հենակետը Ադրբեջանի զինված ուժերի կողմից գնդակոծելու կադրերը:Տեսանյութը Տելեգրամի իր ալիքում հրապարակել է Սպուտնիկ-Արմենիան:
«Երկհարկանի շենքում, նախկին պահակակետում տեղակայված էր 15 հոգուց բաղկացած Սոթք սահմանային անցակետը։ Գնդակոծությունը սկսվելուց հետո մարդիկ առաջին հարկում թաքնվել են միջանցքում. որևէ մարդ չի տուժել: Փաստորեն, կրակի ժամանակ անձնակազմին հաջողվել է դուրս գալ հենակետից, սակայն ողջ ունեցվածքը, տեխնիկան չի հաջողվել ժամանակին տարհանել»,- ասել է Գոլուբիցկին:
