Շարունակվում է Ստեփանակերտից Ասկերանի շրջանի Սառնաղբյուր համայնք տանող նոր ճանապարհի կառուցումը
Վերսկսվել և շարունակվում են Ստեփանակերտից դեպի Ասկերանի շրջանի Սառնաղբյուր և Դահրազ նոր ճանապարհի կառուցման աշխատանքները:
Այդ մասին «Արցախպրես»-ի թղթակցի հետ զրույցում տեղեկացրել է Արցախի Հանրապետության քաղաքաշինության նախարարության Ճանապարհաշինության բաժնի պետ Մհեր Համբարձումյանը:
«Ստեփանակերտից դեպի Սառնաղբյուր նոր ճանապարհ բացելու մեկնարկը տրվել էր նախքան Արցախյան երրորդ պատերազմը, որի պատճառով աշխատանքները դադարեցվել էին: Ներկայում ճանապարհի կառուցումը վերսկսվել է: Տարածքն անտառապատ է և փորձում ենք ճանապարհ բացել անտառի միջով: Ճանապարհի երարությունը կազմում է 11 կմ: Այս պահին հողային աշխատանքներ են իրականացվում: Կապալառուն «Քարավան» ՍՊ ընկերությունն է»,- ասել է Մ. Համբարձումյանը, և ավելացրել, որ շինաշխատանքների ավարտը նախատեսվում է 2023 թվականի սկզբին:
