Ադրբեջանի պետական մարմնի աշխատակիցը գովազդում է Նիկոլ Փաշինյանին
Այն, որ Ադրբեջանում Նիկոլ Փաշինյանը գրեթե Իլհամ Ալիևին հավասար վարկանիշ ունի, կարծում ենք, շատերի համար գաղտնիք չէ:
Նիկոլ Փաշինյանն Ադրբեջանի վաղեմի ամենահամարձակ ու անիրականանալի երազանքների իրականացնողն է, և պատահական չէ, որ նրան Ադրբեջանում այդքան բարձր են գնահատում: Նրան ուշիուշով հետևում են, գրառումները մեկնաբանում, կիսվում, և առհասարակ Ադրբեջանում Նիկոլ Փաշինյանը «մի հիանալի անձնավորություն է»:
Այսօր ևս հերթական անգամ նա հայտնվել է ադրբեջանցիների ուշադրության կենտրոնում, այս անգամ արդեն՝ պետական մարմինների աշխատակիցների:
Մասնավորապես, Ադրբեջանի արտակարգ իրավիճակների նախարարության արհմիության ղեկավարը ֆեյսբուքյան իր էջում կիսվել է Նիկոլ Փաշինյանի՝ այսօր իր էջում հրապարակած Անկախության հռչակագարի ընդունման օրվան նվիրված գրառման տեքստով ուղիղ բնօրինակից:
