Carrefour ֆրանսիական ռիթեյլերը սառեցրել է ամենօրյա օգտագործման 100 ապրանքների գները
Ֆրանսիական Carrefour SA ռիթեյլերը Ֆրանսիայում գտնվող իր խանութներում սառեցրել է ամենօրյա օգտագործման 100 ապրանքների գները բարձր գնաճի ժամանակ սպառողներին օգնության միջոցառումների շրջանակներում:
Ինչպես ասվում է Carrefour-ի հաղորդագրության մեջ, սեփական մակնիշի հարյուր ապրանքների ընթացիկ գները, ներառյալ սննդամթերքը եւ ոչ պարենային ապրանքները, ինչպիսիք են մաքրող միջոցները, հիգիենայի միջոցները եւ հագուստը, գրանցվելու են 100 օրով՝ մինչեւ նոյեմբերի 30-ը: Ընկերությունը նաեւ հավելել է, որ այդ ժամանակաշրջանում չի փոխելու դպրոցական պարագաների գները:
Carrefour-ն այս նախաձեռնությանը ձեռնամուխ Է լինում Ֆրանսիայում գների կտրուկ աճի ֆոնին: Սպառողական գները երկրում հուլիսին տարեկան արտահայտությամբ ավելացել են 6,1 տոկոսով, ինչը առավելագույն ցուցանիշն է դարձել 1985 թվականի հուլիսից ի վեր: Սննդամթերքը թանկացել Է 6,8 տոկոսով, Էներգապաշարներինը՝ 28,5 տոկոսով: Carrefour-ի բաժնետոմսերի գնանշումներն օգոստոսի 22-ին Փարիզի սակարկություններում ընկնում են գրեթե 2 տոկոսով, հաղորդել է «Ինտերֆաքս»-ը:
