Պորտուգալիան դեմ է ռուս զբոսաշրջիկների ԵՄ մուտքի արգելքին
Պորտուգալիան դեմ է ռուս զբոսաշրջիկների ԵՄ մուտքի արգելքին՝ նշելով, որ պատժամիջոցները չպետք է ուղղված լինեն ռուս ժողովրդի դեմ: Այս մասին հայտարարել է Պորտուգալիայի ԱԳՆ-ը:
«Պորտուգալիան կարծում է, որ պատժամիջոցները պետք է ուղղվեն ոչ թե ռուս ժողովրդին, այլ ռուսական ռազմական մեքենային։ Պորտուգալիան կմասնակցի այդ հարցի քննարկմանը եվրոպական մակարդակով՝ նպաստելով ԵՄ անդամ երկրների միասնական դիրքորոշման մշակմանը»,- ասված է ԱԳՆ հաղորդագրության մեջ։
Հիշեցնենք, որ օգոստոսի 30-31-ը Պրահայում նախատեսված է ԵՄ ԱԳ նախարարների ոչ պաշտոնական հանդիպում, որի ժամանակ պետք է քննարկվի Ռուսաստանի դեմ վիզային սահմանափակումների հարցը:
