Քաբուլում թալիբների կողմից կանանց ցույցերը ճնշելու գործողությունների հետևանքով լրագրողներ են վիրավորվել
Աֆղանստանի մայրաքաղաքում կանանց ցույցը ցրելու նպատակով թալիբներն օդում կրակոցներ են արձակել, ինչի հետևանքով վիրավորվել է 2 լրագրող: Այս մասին հայտնում է «ՌԻԱ Նովոստի»-ն՝ հղում անելով տեղի բնակիչներին։
Ըստ ականատեսների՝ լրագրողներից մեկն աշխատում է «Աֆղան թայմս»-ում, մյուսը՝ «Ռոյդադ նյուզ»-ում։ Նշվում է, որ բողոքի ակցիաներին մասնակցած կանանց թվում ևս կան վիրավորներ։
Քաբուլում Կանայք դուրս են եկել փողոց՝ ի պաշտպանություն ազատության, կրթության և աշխատանքի իրավունքի։
