Արցախում վիրավոր զինծառայողներից մեկը ծայրահեղ ծանր վիճակում է. առողջապահության նախարար
Արցախում վիրավորներից 1 հոգի ծայրահեղ ծանր վիճակում է, 1 հոգի ծանր վիճակում է, մնացածի վիճակը միջին և թեթև է գնահատվում:
Այս մասին հայտնել է Արցախի առողջապահության նախարար Միքայել Հայրիյանը։
Նա նշել է, որ գրեթե բոլորի մոտ բեկորային վնասվածքներ են:
Հիշեցնենք, որ այսօր ժամը 09։00-ից ադրբեջանական ստորաբաժանումները թիրախավորել են ՊԲ մարտական դիրքերն ու զորամասերից մեկի մշտական տեղակայման վայրը՝ կիրառելով տարբեր տրամաչափի հրաձգային զինատեսակներ, ականանետներ, նռնականետներ և հարվածային ԱԹՍ-ներ։ Հայկական կողմն ունի 2 զոհ և 14 վիրավոր։
