Իրանում հեղեղումների զոհերի թիվը հասել է 90-ի
Իրանում առնվազն 90 մարդ է զոհվել վերջերս տեղի ունեցած ընդգրկուն հեղեղումների հետեւանքով: Այս մասին հայտնում է Tasnim գործակալությունը՝ վկայակոչելով բժիշկներին:
Նշվում է, որ եւս 8 մարդ համարվում է կորած: Ավելի վաղ հաղորդվել էր 69 մարդու մահվան մասին: Տեղատարափ անձրեւների առաջացրած հեղեղումներն ընդգրկել են Իրանը հուլիսի վերջին՝ պատուհասելով երկրի 31 նահանգներից 24-ին:
Ամենից շատ տուժել են Բախտիարին, Սպահանը, Եզդը, Լուրեստանը, Մազանդարանը, Թեհրանը եւ Չեհարմեհալը, հաղորդել է ՏԱՍՍ-ը:
