Թայվանում մեկնարկել է Նենսի Փելոսիի և Թայվանի նախագահ Ցայ Ին Վենի հանդիպումը
Թայվանում մեկնարկել է ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի և Թայվանի նախագահ Ցայ Ին Վենի հանդիպումը, որի ժամանակ Փելոսին հայտարարել է, որ ԱՄՆ Կոնգրեսի պատվիրակությունը ժամանել է Թայվան, որպեսզի հաստատի երկրին աջակցելու ԱՄՆ-ի հանձնառությունը։ Ինչպես հաղորդում է ՏԱՍՍ գործակալությունը, հանդիպումը հեռարձակում է Bloomberg TV հեռուստաալիքը։
«Շատ հպարտ եմ, որ այսօր մեր պատվիրակությունը ժամանել է Թայվան՝ հասկացնելու, որ մենք չենք հրաժարվում Թայվանի հանդեպ մեր հանձնառությունից և հպարտ ենք ժամանակի փորձությունն անցած մեր բարեկամությամբ։ Այժմ, առավել քան երբևէ, Ամերիկայի համերաշխությունը Թայվանի հետ որոշիչ նշանակություն ունի», – հայտարարել է Փելոսին հանդիպման ժամանակ։
ԱՄՆ Կոնգրեսի Ստորին պալատի խոսնակը բարձր է գնահատել ԱՄՆ-ի և Թայվանի համագործակցությունը անվտանգության, տնտեսության ու պետական կառավարման ոլորտներում։
«Այսօր աշխարհը կանգնած է ժողովրդավարության և ինքնավարության միջև ընտրության առաջ: Այստեղ՝ Թայվանում և ամբողջ աշխարհում ժողովրդավարությունը պահպանելու Ամերիկայի վճռականությունը մնում է անսասան», – հավելել է Փելոսին:
