Իվանիշվիլին հաստատում է՝ հանդիպել է ԱՄՆ դեսպանի հետ
Բիձինա Իվանիշվիլին հայտարարություն է տարածել՝ հաստատելով «Վրացական երազանքից» հեռացած գործիչների այն տեղեկությունը, որ ինքը հանդիպել է ԱՄՆ դեսպան Քելլի Դեգնանի հետ։ Հանդիպումը տեղի է ունեցել մարտի 21-ին։
«Քանի որ Ուկրաինայում պատերազմի սկսվելուց հետո իմ և Ամերիկայի դեսպանի միջև հանդիպում անցկացնելու մասին հրապարակային հարց կար, ես ուզում եմ հանրությանը տեղեկացնել, որ նման հանդիպում իսկապես կայացել է մարտի 21-ին՝ դեսպանի խնդրանքով, այն տևել է մոտ երեք ժամ»,- ասված է Իվանիշվիլիի հայտարարության մեջ։
Նա, սակայն, չի մանրամասնել, թե ինչի մասին է եղել դեսպանի հետ զրույցը։
