Իսրայելը Բայդենին համոզել է, որ Թուրքիային թույլ չտան ռազմական գործողություն սկսել Սիրիայում. Axios
Ամերիկյան Axios պարբերականի հետ զրույցում իսրայելցի 2 պաշտոնյաները, որոնք ցանկացել են անանուն մնալ հետաքրքիր տեղեկություններ են փոխանցել Սիրիայում Թուրքիայի հնարավոր ռազմական գործողության առնչությամբ:
Ըստ նրանց՝ Իսրայելը ԱՄՆ նախագահ Բայդենի վարչակազմում լոբբինգ է արել, որպեսզի Վաշինգտոնը թույլ չտա Թուրքիային ռազմական գործողություններ սկսել Սիրիայի քրդերական կազմակերպությունների դեմ, որոնց Անկարան համարում է ահաբեկչական:
Աղբյուրը տեղեկացնում է, որ Իսրայելի ազգային անվտանգության հարցերով խորհրդական Էյալ Հուլաթան հայտնել է իր ամերիկացի գործընկեր Ջեյք Սալիվանին, որ թուրքական նոր գործողությունը Սիրիայի հյուսիսում լրջորեն կվնասի քրդերին և երկարաժամկետ հեռանկարում կարող է օգուտ բերել Իրանին:
