Իրաքում սուգ է հայտարարվել
Իրաքի վարչապետ Մուստաֆա ալ Քազիմին հուլիսի 21-ն ազգային սգի օր է հայտարարել երկրի հյուսիսում թուրքական հրետանու գնդակոծման հետեւանքով զոհվածների հիշատակին: Այս մասին հաղորդել է INA գործակալությունը՝ վկայակոչելով կառավարությաոն հայտարարությունը:
«Վարչապետ Մուստաֆա ալ Քազիմին հուլիսի 21-ին սուգ է հայտարարել Դահուքի նահանգում տուրիստական առողջավայրերից մեկի թուրքական դաժան ռմբակոծման հետեւանքով զհվածների հիշատակին»,- ասված է հայտարարության մեջ:
Հուլիսի 20-ին SHAFAQ News պորտալը հայտնել է, որ Դահուքի նահանգում (մտնում է Իրաքյան Քրդստանի կազմի մեջ) թուրքական հրետանու կողմից տուրիստական օբյեկտի գնդակոծման հետեւանքով զոհվել է 9 մարդ, եւս 22-ը՝ վիրավորվել:
Հանրապետության ուժային գերատեսչությունների մամուլի ծառայությունը տեղեկացրել է 8 մարդու զոհելու եւ 23-ի վիրավորվելու մասն: Իրաքի կառավարությանը կից Ազգայն անվտանգության խորհուրդը որոշել է Անկարայից հետ կանչել գործերի ժամանակավոր հավատարմատարին կոնսուլտացիաների համար:
Արտաքին գործերի նախարարութանը հանձարարված է պատրաստել դոսյե Թուրքիայի կողմից արաբական հանարպետության ինքնիշխանության խախտումների մասին եւ գանգատ ներկայացնել ՄԱԿ-ի Անվտանգության խորհուրդ, կանչել Բաղդադում Թուրքիայի դեսպանին եւ բողոք հայտնել նրան, հաղորդել է ՏԱՍՍ-ը:
