«Նուբարաշեն» ՔԿՀ-ի ծառայողները թաքցված կասկածելի զանգված են հայտնաբերել
Հուլիսի 11-ին Հայաստանի Հանրապետության արդարադատության նախարարության «Նուբարաշեն» քրեակատարողական հիմնարկի անվտանգության ապահովման բաժնի ծառայողներն անձնական խուզարկության են ենթարկել կալանավորված անձի մոտ երկարատև տեսակցության եկած քաղաքացուհուն:
Արդյունքում վերջինիս մոտից հայտնաբերվել է հագուստում թաքցված «Լիրիկա» և «էքստազի» տեսակի թմրամիջոցներին նմանվող 7 դեղահաբ: Այս մասին տեղեկացնում են ՀՀ քրեակատարողական ծառայությունից:
