Այս գիշեր գազազած ամբոխը ներխուժում է նաև Ադրբեջանի խորհրդարանի շենք․ Արտյոմ Տոնոյան
Իրանագետ Արտյոմ Տոնոյանը իր ֆեյսբուքյան էջում գրել է․
«Ադրբեջանական խրոնիկոն 2
2020թ., հուլիս 14-ի լույս 15-ի գիշեր։ Բաքու։ Կորոնավիրուսի համավարակի պատճառով գործում է խիստ համաճարակային ռեժիմ, սակայն մարդիկ դուրս են եկել դիմավորելու ՀՀ հետ սահմանին ոչնչացված 12 զինվորականների դիակները և վանկարկում են «կա՛մ Ղարաբաղ, կամ մա՛հ», «վերջ կարանտինին, թող պատերազմ սկսվի», «գերագույն գլխավոր հրամանատար, մեզ զենք տո՛ւր»։
Այս գիշեր գազազած ամբոխը Ադրբեջանի պատմության մեջ 1994թ. այս կողմ թերևս առաջին և միակ անգամ ներխուժում է նաև խորհրդարանի շենք։
Այսքան մարդ միանգամից մի տեղում Բաքվի փողոցները թերևս տեսել էին մեկ էլ 2003թ. նախագահական ընտրություններից հետո սկսված ցույցերի ժամանակ»։
