Շրի Լանկայի նախագահը ռազմական ինքնաթիռով փախել է Մալդիվներ

Շրի Լանկայի նախագահ Գոտաբայա Ռաջապակսան հրաժարական տալուց առաջ փախել է Մալդիվներ, այս մասին հայտնում է theguardian.com–ը։

Նա երկրից հեռացել է ռազմական ինքնաթիռով՝ կնոջ և երկու թիկնապահների հետ։

Կառավարությունից նշում են, որ մինչ այդ երկրի ղեկավարը հրաժարականի դիմում է գրել՝ դրանով իսկ կատարելով ցուցարարների հիմնական պահանջը։

Ավելի վաղ Ռաջապակսան փորձել է փախչել ԱՄԷ, բայց օդանավակայանի աշխատակիցները թույլ չէին տվել նրան ինքնաթիռ նստել։