«Արարատ-2»-ը նորից հանդես կգա Առաջին խմբի առաջնությունում
Մեկ մրցաշրջանի դադարից հետո Առաջին խմբի առաջնությունում իր ելույթները կվերսկսի «Արարատ-2»-ը: Այս մասին հայտնում է «Արարատ» ֆուտբոլային ակումբի մամուլի ծառայությունը:
2022/23 մրցաշրջանի մեկնարկից առաջ թիմի մարզչական շտաբում են ընդգրկվել գլխավոր մարզիչ Ալեքսանդր Պետրոսյանը, մարզիչ Ռաֆայել Սաֆարյանն ու դարպասապահների մարզիչ Արա Աբրահամյանը:
Ներկայումս թիմում ընթանում է համալրման և կազմավորման ակտիվ գործընթաց՝ ներգրավելով ինչպես ակումբի մանկապատանեկան դպրոցի սաներին, այնպես էլ այլ ֆուտբոլիստների:
