«Արդեն հասել ենք կետին, որ հայտնում են, որ ուղիղ խոսում են թուրքերով». Հովհաննես Իշխանյան

Վավերագրական ֆիլմերի ռեժիսոր Հովհաննես Իշխանյանը ֆեյսբուքյան իր էջում գրել է․ «Հայաստանում Թուրքիայի ներկայացուցչի ու նրա ղեկավար Էրդողանի խոսակցության հաղորդագրության մեջ ասվում է, որ հուլիսի 1-ին իրենց ձեռք բերված պայմանավորվածությունները շուտ կյանքի կկոչվեն: Արդեն հասել ենք կետին, որ հայտնում են, որ ուղիղ խոսում են թուրքերով, գալու էր էդ օրը։ Կգա օրը, որ հրապարակային թուրքերեն էլ կխոսեն մեր դեմ, եթե դեմը չառնենք։

Հուլիսի 1-ին ձեռք բերված պայմանավորվածությունը հայերի հերթական էթնիկ զտումն է՝ Բերձորն ու Աղավնոն թուրքերին հանձնելը։

Շեշտել են, որ շուտ պիտի կյանքի կոչեն, որովհետև շուտ կյանքի չկոչելու դեպքում, ձեռքից կարող ա բաց թողնեն հայերին վերացնելու ծրագրի կարևորագույն մասը։

Հիմա, որպեսզի հայերի բնաջնջումը կանխվի, հայերը պիտի վարժվեն իրենց շահերից բխող թեմաները պուլսի վրա պահել, որ դրանից գործողություններ բխեն։

Հ1, Ազատություն նայելու փոխարեն, միտքը, խոսքը, բարկությունը, գործելու էներգիան պահեք Բերձորի վրա։ Հայաստանի այսպես կոչված կառավարության նիստերի, դրանցից դուրս էկած լուրերի փոխարեն Արցախի հետ կապված լուրեր, տեղեկություն փնտրեք ու կիսեք հետներս։ Գտեք Բերձորում ապրող մարդկանց, խոսեք, կիսեք նրանց պատմությունները, թե կարող եք նկարները։

Ու ձեզ հարց տվեք՝ եթե դրանց որոշումը հնարավոր է շրջել ընդամենը Բերձորում ձեր ներկայությամբ, արդյո՞ք կլինեք այնտեղ։

Նկարում՝ 12 երեխայի հայր՝ Բերձորցի Ազատի, նրա կնոջ ու էրեխեքից 12-րդի հետ»։