Մեծ Բրիտանիան Ուկրաինային 10 ինքնագնաց հրետանային կայանք կմատակարարի
Մեծ Բրիտանիան շուտով Ուկրաինային կփոխանցի 10 ինքնագնաց հրետանային կայանք, ինչպես նաև այլ զինամթերք։ Այս մասին հայտարարել է Մեծ Բրիտանիայի վարչապետ Բորիս Ջոնսոնը Ուկրաինայի նախագահ Վլադիմիր Զելենսկու հետ հեռախոսազրույցում։
Մեծ Բրիտանիայի վարչապետը Զելենսկիին տրամադրել է բրիտանական ռազմական տեխնիկայի, այդ թվում՝ 10 ինքնագնաց հրետանային համակարգերի և այլ տեսակի զինամթերքի մասին վերջին տեղեկությունները, որոնք Ուկրաինայում կլինեն առաջիկա օրերին:
Հունիսի 15-ին Մեծ Բրիտանիայի պաշտպանության նախարար Բեն Ուոլեսը խոստացել էր ընդլայնել ռազմական օգնությունն Ուկրաինային։
