Էրդողանը հայտնել է Սիրիայի հյուսիսում փախստականների համար տներ կառուցելու մտադրության մասին
Թուրքիան մտադիր է Սիրիայի հյուսիսում կառուցել 100 հազար տուն՝ այնտեղ սիրիացի փախստականների բնակեցնելու նպատակով: Այս մասին Սաուդյան Արաբիայից վերադառնալիս լրագրողներին հայտնել է Թուրքիայի նախագահ Ռեջեփ Թայիփ Էրդողանը:
«Մեր նպատակն է առաջին հերթին կառուցել 100 հազար տուն: Սկզբնական շրջանում այնտեղ կարող են բնակեցվել Թուրքիա եկած սիրիացիները: Ներկայում մենք կառուցել ենք մոտ 60 հազար տուն»,- հայտարարել է Էրդողանը՝ նշելով, որ շարունակում են գործընթացը:
