Նիկոլ Փաշինյանը շնորհավորական ուղերձ է հղել Էստոնիայի վարչապետին
Նիկոլ Փաշինյանը շնորհավորական ուղերձ է հղել Էստոնիայի Հանրապետության վարչապետ Կայա Կալլասին՝ երկրի ազգային տոնի առթիվ: Ուղերձի մեջ, մասնավորապես, նշված է.
«Ձերդ գերազանցություն, Հայաստանի Հանրապետության կառավարության և անձամբ իմ անունից սրտանց շնորհավորում և լավագույն մաղթանքներ եմ հղում Էստոնիայի ազգային տոնի` Անկախության օրվա առթիվ:
Հայաստանը կարևորում է Էստոնիայի հետ ընդհանուր արժեքների և փոխվստահության վրա հիմնված բարեկամական հարաբերությունների ամրապնդումը:
Լիահույս եմ, որ համատեղ ջանքերով նոր լիցք կհաղորդենք հայ-էստոնական փոխշահավետ համագործակցությանը երկուստեք հետաքրքրություն ներկայացնող ոլորտներում, ինչին մեծապես կնպաստի Հայաստանի և Եվրամիության միջև ստորագրված Համապարփակ և ընդլայնված գործընկերության համաձայնագրի կիրառումը:
Մաղթում եմ Ձեզ քաջառողջություն և ամենայն բարիք, իսկ Էստոնիայի ժողովրդին՝ խաղաղություն, բարօրություն և հետագա առաջընթաց»:
