Գերմանիան կավելացնի ֆինանսական աջակցությունն Ուկրաինային
Գերմանիան առաջիկա ամիսներին կավելացնի ֆինանսական աջակցությունն Ուկրաինային։ Այս մասին հայտնում է «ՌԻԱ Նովոստի»-ն վկայակոչելով Գերմանիայի արտաքին գործերի նախարար Աննալենա Բերբոքի հայտարարությանը։
«Մենք լիովին համերաշխ ենք Ուկրաինայի հետ, դա ակնհայտ է պատժամիջոցներին մեր արագ արձագանքից: Բայց մենք նաև վերջին շաբաթների ընթացքում ֆինանսական աջակցություն ենք ցուցաբերել Ուկրաինային: Այն ոչ միայն կշարունակվի, այլև կաճի առաջիկա ամիսներին», – Փարիզում ԵՄ ԱԳ նախարարների ոչ պաշտոնական հանդիպումից առաջ ասել է Բերբոքը:
