Դոնեցկում քաղաքացիական անձ է զոհվել
Ռուսական լրատվամիջոցները, հղում կատարելով Դոնեցկի շրջանի ղեկավարին, հայտնում են, որ Նովոլուգանսկոե բնակավայրում հրաձգության հետևանքով քաղաքացիական անձ է զոհվել:
ՌԴ նախագահ Վլադիմիր Պուտինը Դոնբասի հարցով Անվտանգության խորհրդի նիստ է հրավիրել: Նա ներկայացրել է ստեղծված իրավիճակը՝ նշելով, որ Ռուսաստանը ձեռնարկել և շարունակում է ձեռնարկել ջանքեր, որպեսզի բոլոր բարդ խնդիրները լուծվեն խաղաղ ճանապարհով: Խորհրդի նիստի ավարտին ՌԴ նախագահը հայտնել է, որ այսօր որոշում կկայացնի Դոնեցկի և Լուգանսկի անկախության ճանաչման հարցի առնչությամբ:
