Նիկոլ Փաշինյանը մասնակցելու է Մյունխենի 58-րդ Անվտանգության համաժողովին
ՀՀ–ում Գերմանիայի դեսպանատունը տեղեկացնում է, որ այսօր մեկնարկում է Մյունխենի 58-րդ Անվտանգության համաժողովը։ Այս հարթակում ավելի քան 30 պետությունների ղեկավարներ հնարավորություն ունեն վարել առանձնազրույցներ, քննարկել անվտանգության քաղաքականության հարցեր և փնտրել խաղաղ կարգավորման լուծումներ։
«Բացի այդ, լայն հասարակայնությանն առիթ է ընձեռնվում իրազեկվել անվտանգության թեմաների մասին և մասնակցել քննարկումներին։ Ուրախ ենք, որ Հայաստանը կրկին ներկայացված է այս ֆորումին՝ հանձինս վարչապետ Նիկոլ Փաշինյանի»,– ասված է դեսպանատան ֆեյսբուքյան գրառման մեջ։
