Հայտնաբերվել են քիմիական թմրանյութ և մարիխուանա
Թմրամոլության և թմանյութերի անօրինական շրջանառության դեմ պայքարի հերթական դեպքը հունվարի 26-ին էր` ուժեղացված ծառայության շրջանակներում:
Ոստիկանության Երևան քաղաքի վարչության գրպանահատության դեմ պայքարի և Մալաթիայի բաժնի քրեական հետախուզության բաժանմունքների ծառայողները համատեղ միջոցառման արդյունքում, ապօրինի թմրամիջոց ձեռք բերելու, պահելու և օգտագործելու կասկածանքով, Հրազդանի կիրճից բերման են ենթարկել Էջմիածնի Բաղրամյան փողոցի բնակիչ, 31-ամյա մի տղամարդու:
Անձնական խուզարկությամբ նրա մոտ հայտնաբերվել են բյուրեղանման և դեղնականաչավուն զանգվածներ: Պարզվել է, որ բյուրեղանմանը՝ ՊՎՊ կոչվող քիմիական թմրանյութ է, մյուսը՝ մարիխուանա:
Նշանակվել են փորձաքննություններ:
Հանգամանքները պարզվում են:
