Չավուշօղլուն Բահրեյնում է
Թուրքիայի արտաքին գործերի նախարար Մևլութ Չավուշօղլուն պաշտոնական այցով գտնվում է Բահրեյնում։ Այդ մասին սոցցանցում գրառում արած նախարարը նշում է. «Երկկողմ հարաբերությունները քննարկելու նպատակով 5 տարվա դադարից հետո այժմ Բահրեյնում ենք»։ Այս մասին տեղեկացնում է ermenihaber.am-ը։
Մայրաքաղաք Մանամայում Չավուշօղլուն հանդիպում է ունեցել Բահրեյնի արտգործնախարար Աբդուլլաթիվ Ալ Զեյանի հետ։
Դիվանագիտական աղբյուրները տեղեկացմամբ՝ հանդիպմանը քննարկվել են առևտրատնտեսական կապերի զարգացմանն առնչվող հարցեր, ինչպես նաև ծրագրվել է մարտ ամսին գումարել Խառը տնտեսական հանձնաժողովի նիստ։
Նախատեսվում է Թուրքիայի արտգործնախարարի հանդիպումը նաև Բահրեյնի թագավորի ու թագաժառանգի հետ։
