Ի՞նչ ֆուտւբոլային հանդիպումներ դիտել այսօր
Ֆուտբոլային կիրակին խոստանում է լինել բավականին հետաքրքիր և հագեցած։ Ստորև օրվա ամենահետաքրքիր հանդիպումների մասին։
«Միլան»-«Յուվենթուս»․ մեկնարկը՝ 23։45
«Միլանը» հիանալի տեսք ուներ մրցաշրջանի սկզբում. Ստեֆանո Պիոլիի թիմը նվազագույն սխալներ թույլ տվեց։ Այնուամենայնիվ, ռոսոներիները չկարողացան իրենց տեմպերով անցկացնել ամբողջ առաջին շրջանը, ժամանակ առ ժամանակ ակումբը սկսեց սխալներ թույլ տալ, ինչից անմիջապես օգտվեց «Ինտերը»։
Ընդհանուր առմամբ «Միլանը» շարունակում է տիտղոսի հավակնորդներից մեկը մնալ։ Թիմը ներկայումս 48 միավորով զբաղեցնում է աղյուսակի երկրորդ հորիզոնականը: Առաջատար «Ինտերը» ընդամենը երկու միավոր է առաջ, բայց Ներաձուրիները դեռևս մեկ հանդիպում պակաս ունեն: Վերջին տուրում «Միլանը» սեփական հարկի տակ 1:2 հաշվով անսպասելիորեն պարտվեց «Սպեցիային»՝ այդպիսով ընդհատելով երեք անընդմեջ հաղթանակների շարքը։
«Յուվենթուսը» ձախողել է առաջնության մեկնարկային հատվածը։ Սակայն Մասիմիլիանո Ալեգրիի թիմը արագ վերականգնվեց և աստիճանաբար բարձրացավ մրցաշարային աղյուսակում՝ որպես Չեմպիոնների լիգայի ուղեգրի հավակնորդ մեկնելով ձմեռային դադարի։ Ընթացիկ մրցաշրջանում ավելի շատ բանի համար դժվար թե հաջողվի պայքարել:
Առայժմ «ծեր սինյորան» վաստակած 41 միավորով զբաղեցնում է մրցաշարային աղյուսակի 5-րդ հորիզոնականը՝ մեկ միավորով հետ մնալով բաղձալի չորրորդ գծից, սակայն «Ատալանտան» մեկ հանդիպում պակաս է անցկացրել։ Վեցերորդ «Ֆիորենտինան» արդեն զիջում է յոթ միավորով, բայց դեռևս մեկ հանդիպում ունի: Վերջին տուրում «Յուվենթուսը» 2:0 հաշվով հաղթեց «Ուդինեզեին», իսկ անցած շաբաթ դուրս եկավ Իտալիայի գավաթի քառորդ եզրափակիչ՝ սեփական հարկի տակ 4:1 հաշվով հաղթելով «Սամպդորիային»:
«Միլանի» վերջին հանդիպումը թույլ էր՝ «ռոսոներիները» հիմնական ժամանակում չկարողացան հաղթել առաջնության վատագույն թիմերից մեկին՝«Ջենոային» գավաթում, իսկ առաջնությունում տանը պարտվեցին «Սպեցիային»: «Յուվենթուսը» գերազանց մարզավիճակում է և անկասկած կփորձի հաղթանակ տանել անմիջական մրցակցի հետ մենամարտում, դժվար թե «Միլանը» ներկայիս վիճակում ի վիճակի լինի լուրջ պայքար մղել։
«Էմպոլի»-«Ռոմա»․մեկնարկը՝ 21։00
«Էմպոլին» առաջնության առաջին շրջանն անցկացրեց շատ բարձր մակարդակով. Աուրելիո Անդրեացոլիի թիմին հաջողվեց տեղ գրավել աղյուսակի միջնամասում։ Վաստակած 29 միավորով «աձուրիները» աղյուսակում 11-րդն են՝ 6 միավորով զիջելով եվրոպական գոտուն՝ ֆորա, որը թույլ է տալիս տուսկացիներին ընդգրկվել եվրոպական գավաթի հավակնորդների թվում:
Վերջերս, սակայն, Էմպոլին դանդաղել է։ «Վենեցիայի» հետ ոչ-ոքի խաղալով՝ ակումբը առաջնությունում առանց հաղթանակների շարքը հասցրեց հինգ հանդիպման: Նաև մեկ շաբաթվա ընթացքում «աձուրիները» լքեցին Իտալիայի գավաթը՝ լրացուցիչ ժամանակում 2-3 հաշվով պարտվելով «Ինտերին»:
«Ռոման» այս մրցաշրջանում ակնհայտորեն խաղադրույք է կատարել Չեմպիոնների լիգայի ուղեգրի վրա, բայց առայժմ հեռու է այդ նպատակից: Ժոզե Մոուրինյոյի թիմն այս պահին 35 միավորով զբաղեցնում է մրցաշարային աղյուսակի միայն յոթերորդ տեղը՝ 7 միավորով զիջելով չորրորդ տեղում գտնվող «Ատալանտային» և ունենալով մեկ հանդիպում ավելի: «Գայլերը» այս շաբաթ կարողացան դուրս գալ Իտալիայի գավաթի քառորդ եզրափակիչ՝ սեփական հարկի տակ 3:1 հաշվով հաղթելով «Լեչեին»: Երկու գոլային փոխանցման հեղինակ դարձավ Հենրիխ Մխիթարյանը։
«Էմպոլին» վերջերս լրջորեն ցածրացրել է ֆուտբոլի որակը, ինչի ակնհայտ վկայությունն է առանց հաղթանակի վեց հանդիպումների շարքը։ «Ռոման», որը դեռ հստակորեն չի հրաժարվել Չեմպիոնների լիգայի համար պայքարից և սխալվելու տեղ չունի, կփորձի օգտվել իրավիճակից:
«Չելսի»-«Տոտենհեմ»․մեկնարկը՝ 20։30
Այս տարի «Չելսին» դարձավ Անգլիայի լիգայի գավաթի եզրափակչի առաջին մասնակցիը։ «Կապույտները» ամսվա սկզբում հաղթեցին «Տոտենհեմին» 2:0 հաշվով և մեկ շաբաթ անց կրկնեցին իրենց հաջողությունը:
Հունվարին Թոմաս Տուխելի սաները մեկնարկեցին Անգլիայի գավաթի խաղարկությունում, որտեղ առաջին փուլում ոչ մի շանս չթողեցին համեստ «Չեստերֆիլդին» (5:1):
Անհնար է չհիշել «թոշակառուների» հաջող ելույթները Չեմպիոնների լիգայում, որտեղ խմբային փուլում «արիստոկրատները» գրավեցին երկրորդ տեղը՝ զիջելով միայն «Յուվենթուսին»։ Անգլիայի Պրեմիեր լիգայի ընթացիկ առաջնության 23 տուրերի ընթացքում այսօրվա խաղում տանտերերը տարել են 12 հաղթանակ և ութ ոչ-ոքի, որոնք բերել են 44 միավոր և մրցաշարային աղյուսակի երրորդ տեղ։
Հնարավոր չէ չնշել հարձակման գծի որակով թիմի երկրորդ ցուցանիշը լիգայում․ թիմը աչքի է ընկել 46 անգամ։ 2022 թվականին թիմը չի հաղթել՝ ոչ-ոքի «Լիվերպուլի» հետ (2:2), պարտություն «Մանչեսթեր Սիթիից» (0:1) և ոչ-ոքի «Բրայթոնի» հետ (1:1):
Բացի Լիգայի գավաթում այսօրվա մրցակցից կրած պարտությունից, «Տոտենհեմը» հաջող մեկնարկեց Անգլիայի գավաթում, որտեղ հեշտությամբ հաղթեց «Մորկամբեին» (3:1), ինչը հնարավորություն է տալիս այս մրցաշրջանում պայքարել գավաթի համար:
Հարկ է հիշեցնել, որ այն պատճառով, որ «Տոտենհեմը» չի կարողացել մասնակցել Կոնֆերեցիաների լիգայի խմբային փուլի վերջին տուրին՝ կորոնավիրուսի համաճարակի պատճառով, թիմը կորցրեց այս մրցաշարի փլեյ-օֆֆում խաղալու հնարավորությունը։
Անգլիայի առաջնությունում Անտոնիո Կոնտեի սաները 19 տուրերում տարել են 11 հաղթանակ և երեք ոչ-ոքի, ինչը համապատասխանում է 36 միավորի և մրցաշարային աղյուսակի 5-րդ հորիզոնականին: Հարձակման ժամանակ «Տոտենհեմի» ելույթը շատ համեստ է թվում․ թիմը աչքի է ընկել ընդամենը 26 անգամ: Վերջին երկու տուրերում Կոնտեի սաները հաղթեցին «Ուոթֆորդին» (1:0) և «Լեսթերին» (3:2):
«Չելսին» այս մրցաշրջանում հաղթել է երեք հանդիպում, և նրանք դա արեցին չոր հաշիվներով: «Տոտենհեմը» դեռ լավագույն մարզավիճակում չէ, և թիմը դժվար թե լավ էմոցիոնալ վիճակում լինի այս ամիս «թոշակառուներից» կրած երկու պարտությունից հետո։
Սիրարփի Աղաբաբյան
