«Նոա»-ն և իսպանական «Սելթա»-ն կհամագործակցեն
Երևանի «Նոա» ֆուտբոլային ակումբը կհամագործակցի իսպանական «Սելթա» թիմի հետ: Այս մասին հայտնում է ակումբի մամուլի ծառայությունը: Թիմն օրերս հյուրընկալել էր իսպանական ակումբի ներկայացուցիչներին՝ «Սելտա» ակադեմիայի միջազգային կապերի համակարգող Մարկոս Ալոնսոյին և նրա գործընկեր, ակադեմիայի ներկայացուցիչ Դիեգո Սալգադոյին:
Իսպանացիները հայ մասնագետների հետ կկիսվեն իրենց փորձով և կօգնեն «Նոա» ակադեմիայի հետագա զարգացման համար հայեցակարգ մշակելու գործընթացին:
Այցի ընթացքում մասնագետները ծանոթացել են ակադեմիայի կառուցվածքին, անցկացրել են մարզումներ, ինչպես նաև սեմինարներ մարզչական շտաբի հետ:
«Նոա»-ն կարևորում է Հայաստանում ֆուտբոլի մասսայականացմանը նպաստելուն ուղղված ցանկացած ջանք և հույս է հայտնել, որ «Սելթա»-ի հետ համագործակցությունը կօգնի ստեղծել եվրոպական չափանիշներին համապատասխանող ակադեմիա:
