Հայտնի է ծերացումը դանդաղեցնող վիտամինը․ գաստրոէնտերոլոգ
Գաստրոէնտերոլոգ Ելենա Տյուլպինան ասել է, որ ռիբոֆլավինը կամ վիտամին B2-ն ապահովում է մաշկի և մազերի առողջությունը։ Այն նաև կանխում է օրգանիզմի ծերացումը:
Բժշկի խոսքով՝ օրգանիզմում բոլոր կենսաքիմիական գործընթացները տեղի են ունենում B խմբի վիտամինների, այդ թվում՝ B2-ի մասնակցությամբ։ Այն նաև կոչվում է «գեղեցկության վիտամին», քանի որ մասնակցում է մարմնում սպիտակուցի մոլեկուլների սինթեզին և դանդաղեցնում ծերացումը:
Տյուլպինան անվանել է վիտամին B2-ով հարուստ մթերքները: Դրանց թվում են ինչպես կենդանական, այնպես էլ բուսական ծագման մթերքներ։ Վիտամին B2-ը հայտնաբերված է կաթում, պանրում, կաթնաշոռում, ձվի մեջ, կենդանիների լյարդում: Բուսական մթերքներից այս տարրով հարուստ են սնկերն ու սոճու ընկույզը։
«Հաշվի առնելով սոճու ընկույզի բարձր կալորիականությունը՝ մենք այն չենք ուտում այն քանակությամբ, որն անհրաժեշտ է վիտամին B2-ի պակասը լրացնելու համար»,- ըստ shantnews-ի՝ նշել է թերապևտը։
Օրգանիզմում վիտամին B2-ի մակարդակը որոշելու համար Տյուլպինան խորհուրդ է տվել դիմել մասնագետների օգնությանը: Թեստերի արդյունքների հիման վրա բժիշկը յուրաքանչյուր հիվանդի համար ընտրում է ռիբոֆլավինի ամենահարմար չափաբաժինը։
