Ո՞վ կլինի ընդդիմադիր գլխավոր ուժի նախագահի թեկնածուն Թուրքիայի առաջիկա ընտրություններում
Թուրքական «Habertürk» թերթի լրագրող Ֆաթիհ Ալթայլըն Twitter-ում հարցում է անցկացրել առաջիկա նախագահական ընտրություններում գլխավոր ընդդիմադիր ուժ համարվող, քեմալական «Ժողովրդահանրապետական» կուսակցության (ԺՀԿ-CHP) հնարավոր թեկնածուի մասին։ Այս մասին տեղեկացնում է ermenihaber.am-ը։
Քվեարկությանը, որին մասնակցել է 400 հազարից ավելի օգտատեր, առաջադրվել է հետևյալ հարցը․ «Ըստ ձեզ՝ որպես ԺՀԿ-ի նախագահի թեկնածու ու՞մ հաղթելու շանսերն են ավելի մեծ»։
Ի տարբերություն հընթացս հրապարակվող սոցիալական հետազոտությունների արդյունքների՝ այս անգամ ձայների 52.6 տոկոսը հավաքել է ԺՀԿ գործող նախագահ Քեմալ Քըլըչդարօղլուն։
28,8 տոկոսը հավաքել է Անկարայի քաղաքապետ Մանսուր Յավաշը, իսկ 18․6 տոկոսը Ստամբուլի քաղաքապետ Էքրեմ Իմամօղլուն։
