Շվարցենեգերը բնակարան է նվիրել ամերիկացի անօթևաններին

Ամերիկացի դերասան և Կալիֆոռնիայի նախկին նահանգապետ Առնոլդ Շվարցենեգերը Սուրբ Ծննդյան նվեր է արել Լոս Անջելեսում անօթևան մարդկանց համար։

Հոլիվուդյան աստղի հատկացրած գումարով 25 փոքր տուն է կառուցվել անօթևան վետերանների համար։ Այս մասին Շվարցենեգերը հայտնել է իր Instagram-ում։

«Տերմինատորի» գլխավոր հերոսն անձամբ է այցելել իր հաշվին կառուցված բնակելի թաղամաս։

«Ցնցող էր ժամանակ անցկացնել մեր հերոսների հետ և ողջունել նրանց իրենց նոր տներում»,- նշել է Շվարցենեգերը սոցցանցում կատարած գրառման մեջ։